على اسم مصر

على اسم مصر التاريخ يقدر يقول ما شاء

أنا مصر عندي أحب وأجمل الأشياء

باحبها وهي مالكه الأرض شرق وغرب

وباحبها وهي مرميه جريحة حرب

باحبها بعنف وبرقة وعلى استحياء

واكرهها وألعن أبوها بعشق زي الداء

واسيبها واطفش في درب وتبقى هي ف درب

وتلتفت تلقيني جنبها في الكرب

والنبض ينفض عروقي بألف نغمة وضرب

على إسم مصر

ملعون أبو دي صينية حلاوة

معلش على الكلام ده ... بس من زهقي!
انا ابن بهية ... بهية أمي
بهية اللي معذباني وقارفاني واقول منها ااااه ياني
بهية الطيبة اللي على نياتها واللي الواحد لو قدر كان من الف عام فاتها
بهية أم الطرحة اللي شالت من قلوبنا كل فرحة
بهية أم النيل والنيلة ... اللي يومها بألف ليلة وليلة
بحبها أوي أوي ... و بأكرهها زي ما بحبها
حسيت ان الدنيا وقفت عندها ... وحسيت انها هيه اللي وقفت والكل عداها
انا ابن بهية ... بهية أمي

أنا ابن الطاهرة الزانية ... اللي بتاكل من جتتي في كل ثانية
انا ابن اللي طاردة أهلها وناسها ... واللي كل من هب ودب داسها
انا ابن التناقضات والاستفتاءات والمحليات والحي أبقى من اللي مات
انا ابن القلعة والزمالك ... روبي والامام مالك
انا ابن الحضارة والوزارة والخمارة وكل واحد وله زمارة

انا اللي في حضنها و عمري ما شوفت ضحكة سنها
اللي بنى مصر كان في الاصل حلواني ... ملعون أبو دي صينية حلاوة عملتها انا